Greenland in Figures 2016 saqqummerpoq
Quppersagaq nunatsinni inuiaqatigiit pillugit kisitsisinik imalik nuannerineqarluartoq tuluttut allassimasoq saqqummerpoq.
Greenland in Figures 2016-imi nutartigaq, naatsumik paasiuminartumillu Kalaallit Nunaanni inuiaqatigiit pillugit ilisarititsivoq.
Greenland in Figures 2016 nassaruminartuuvoq 40-nik quppernilik. Quppersagaq peqqinnermut, nunanut allanut niuernermut, takornariaqarnermut isumaginninnikkullu ikiorsiissutaasartunut tunngasunik nutartikkanik paasissutissanik imaqarpoq.
Kalaallit Nunaannut tikittartunut Greenland in Figures Kalaallit Nunaannut tunngasunik paasissutissiisutigissallugu tulluartorujussuuvoq. 2016-imi Arcitc Winter Gamesimut peqataasussanut piukkunnarluarpoq.
Piniakkanik inniminniinermi nassiunneranut akia kisiat akilerneqassaaq, amerlasuunilli piniaruit Naatsorsueqqissaartarfik allaffissornikkut aningaasartuutaasunut matusinissamut piumasaqarsinnaavoq. Quppersagaq e-mailkut stat@stat.gl aqqutigalugu imaluunniit oqarasuaat +299 34 57 70 sianerfigalugu piniarneqarsinnaavoq. Piniarnermi piniakkat amerlassusissaat sumullu ingerlatinneqarnissaat nalunaarneqassaaq.
Quppersagaq Naatsorsueqqissaartarfiup nittartagaanut pdf filinngorlugu aamma aaneqarsinnaavoq uunga www.stat.gl.
Paasissutissanik allanik pisariaqartitsisoqassaguni paasissutissalerisoq oqarasuaatikkut +299 34 57 70 sianerfigalugu saaffigineqarsinnaavoq imaluunniit e-mail stat@stat.gl atorlugu.